Հենրիկ Մխիթարյանը պատրաստ է Բունդեսլիգայում իր նորամուտին

Դորտմունդի «Բորուսիայի» նորեկ Հենրիկ Մխիթարյանը ամենայն հավանականությամբ իր նորամուտը Բունդեսլիգայում կնշի կիրակի օրը, տեղեկացնում է Ruhr Nachrichten-ը:

24-ամյա հայ կիսապաշտպանը վնասվածքի պատճառով բաց է թողել մի շարք ստուգողական հանդիպումներ, ինչպես նաև Բունդեսլիգայում դորտմունդցիների մեկնարկային խաղը: Պարբերականի տեղեկությունների համաձայն ակումբի բժիշկներին հաջողվել է ֆուտբոլիստին ամբողջությամբ ձերբազատել վնասվածքի հետևանքներից:

Մխիթարյանը երկրորդ տուրից առաջ գերազանց վիճակում է:

Հիշեցնենք, որ կիրակի օրը Գերմանիայի փոխչեմպիոնները սեփական հարկի տակ կհյուրընկալեն «Այնտրախտին»: