Ընդդիմությունը կունենա իր ծանրակշիռ դերը խորհրդարանում. Հեղինե Բիշարյան

«Ես կարծում եմ, որ մեր ընդդիմությունը, ի դեմս «Ժառանգության»,«ՀՅԴ»–ի և ՀԱԿ–ի բավականին լայն ճակատ է կազմում, և իրենք բավականին ձայներ կհավաքեն, եթե անգամ նրանց մեջ միասնություն չլինի՝ բավականին ձայներ կտանեն, և ընդդիմությունն իր ծանրակշիռ տեղը կունենա Ազգային ժողովում», – կարծիք է հայտնել ՕԵԿ խմբակցության ղեկավար Հեղինե Բիշարյանը։

Պատգամավորի կարծիքով ընդդիմությունը խիստ օգտակար է խորհրդարանում, որպեսզի իշխանական թևն այն օրենսդրական գործունեությունը, որը ծավալում է ԱԺ–ում, իրականացնի հետևողական «սուր աչքերի» ներքո։