Էլ կլասիկոյի ժամանակ Նեյմարն իմ ընկերը չի լինելու. Մարսելո

«Արքայական ակումբի» պաշտպան Մարսելոն հայտարարել է, որ «Բարսայի» հետ խաղերի ժամանակ Բրազիլիայի հավաքականում իր թիմակից Նեյմարի հետ նրանք ընկերներ լինել չեն կարող:

Ֆուտբոլիստը մասնավորապես նշել է.

«Նեյմարն իմ մտերիմ ընկերն է՝ բացառությամբ այն դեպքերի, երբ մեր թիմերը միմյանց հետ են խաղում: Խաղից հետո մենք կրկին կլինենք ընկերներ: Ես արդեն նման փորձ ունեմ կապված Դանի Ալվեշի հետ»,- ֆուտբոլիստի խոսքերը մեջբերում է իսպանական մամուլը:

Հիշեցնենք, որ Նեյմարը և Մարսելոն Բրազիլիայի հավաքականի կազմում հաղթեցին Կոնֆեդերացիաների գավաթի խաղարկությունում: