Քաղաքապետի մահից հետո Հովիկ Աբրահամյանն ուզում է իրենով անել Արարատը
Հայկական Մամուլ
«Հրապարակ»-ը գրում է, որ Արարատի քաղաքապետ Աբրահամ Բաբայանի մահից հետո այստեղ նոր ընտրություններ կանցկացվեն: Նախկին քաղաքապետ Հակոբ Թովմասյանը չի բացառում իր թեկնածության առաջադրումը:
«Դեռևս հստակ չէ, ոչ կարող եմ ասել, թե կառաջադրվեմ, ոչ չեմ առաջադրվի»,- երեկ թերթի լրագրողին հայտնել է նա:
Թերթը հիշեցնում է, որ 2011թ. անկուսակցական Հակոբ Թովմասյանն առաջադրել էր թեկնածությունը, սակայն ընտրություններից մեկ օր առաջ ինքնաբացարկ էր հայտնել և կոչ արել իր համակիրներին չմասնակցել ընտրություններին, սակայն նրա անունը մնացել էր ցուցակում, և նրա օգտին քվեարկողներ էլ էին եղել. ստացել էր 230 քվե:
Դեռ այն ժամանակ խոսվում էր, թե Թովմասյանին գաղտնի աջակցել է ԱԺ նախագահ Հովիկ Աբրահամյանը:
«Ի դեպ, նաև տեղեկություններ են շրջում, որ Աբրահամյանը ցանկանում է Արարատի քաղաքապետ դարձնել իր որդուն՝ ԲՀԿ նախագահ Գագիկ Ծառուկյանի փեսա Արգամ Աբրահամյանին»,- գրում է «Հրապարակ»-ը:
Մանրամասները` թերթի այսօրվա համարում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
