Մարդիկ տարիներով եկեղեցի չեն մտնում, այսօր եկել են` խաղող «փախցնեն». քահանա

Այսօր Հայ Առաքելական Եկեղեցին նշում է Սբ. Աստվածածնի Վերափոխման տոնը (Խաղողօրհնեքը): Այն Հայ Եկեղեցու հինգ Տաղավար տոներից չորրորդն է եւ Տիրամորը նվիրված տոներից ամենահինը:

ԳԱԼԱ-ի լրագրողի հետ զրույցում Տեր Նշան քահանա Պանֆյորովը նշել է հետեւյալը. «Այսօր առաջին երեխայքի պտուղի ընծայման տոնն է տաճարին, որտեղ Հին Կտակարանից է գալիս իբրեւ պատվեր, որպեսզի ամեն մարդ իր ունեցվածքից, իր արտերից, այսինքն առաջին պտուղից նվեր հանի Աստծո տաճարին, որպեսզի իր շտեմարաններն էլ Աստծո օգնությամբ լցվեն: Սա յուրահատուկ սկզբունք է ապրելու, եւ ինչու առաջինը, որովհետեւ առաջին պտուղը միշտ ժողովուրդը ընծայել է Աստծո տանը: Սա ընծայաբերումի տոն է նաեւ»:

Սուրբ Աստվածածնի Վերափոխման տոնի օրը եկեղեցիներում մատուցվում է Սուրբ պատարագ, որին հաջորդում է խաղողի օրհնությունը: «Իրականության մեջ խաղողօրհնեքը այս տոնի հետ այդքան էլ կապ չունի, չնայած որ մենք կարող ենք խորհուրդ դնել նաեւ, որ մեր հայրերը այս օրերին սրանք միացրել են իրար հետ, կամ անում ենք այսպես: Ես ասեմ՝ շատ այլ երկրներում, որտեղ պտուղները շատ ավելի շուտ են հասնում, օրինակի համար Եգիպտոսում, որտեղ ես ծառայել եմ, եւ Կահիրեում խաղողի օրհնությունը կատարվում է ոչ թե այսօր, այլ գրեթե մեկ ամիս առաջ՝ Պայծառակերպության կամ Վարդավառի տոնին, որովհետեւ այնտեղ պտուղներն ավելի շուտ են հասնում, քանի որ իմաստը առաջին պտուղը օրհնելն է»:

Ըստ քահանայի՝ նախկինում տարբեր պտուղներ էին բերում օրհնելու՝ ցորեն, ծիրան, դեղձ եւ այլն, հետագայում է, որ ընտրվել է միայն խաղողը՝ իբրեւ բոլոր պտուղների թագուհի: «Պտուղ, որը տիրոջ կողմից բարձրացվեց, առավել բարձրացվեց, քան մյուսները: Ավետարանի մեջ Տերն իրեն անվանում է խաղողի վազ եւ քրիստոնյաներին՝ խաղողի ճյուղեր, եւ ասում է՝ եթե իմ վրա հաստատված չլինեք, ապա կորած եք: Տերը նաեւ խաղողը պատվեց՝ վերցնելով դրա հյութը որպես իրեն արյուն, եւ Վերնատան մեջ ասաց՝ վերցրեք սա խմեք, սա արյունն է մեր ուխտի»,- մեզ հետ զրույցում ասել է Տեր Նշան քահանա Պանֆյորովը: Խաղողը, չնայած, ըստ քահանայի «տկար» ծառ է, բայց Տերն ընտրել է նրան եւ ավելի գնահատել:

Մանրամասները` ասյտեղ: