Դեռ ոչինչ որոշված չէ. Գևորգ Ղազարյան

«Սելթիկի» նկատմամբ՝ Չեմպիոնների լիգայի որակավորման չորրորդ փուլում Ղազախստանում տոնած հաղթանակի կերտողներից մեկը՝ Կարագանդայի «Շախտյորի» և Հայաստանի հավաքականի կիսապաշտպան Գևորգ Ղազարյանը Vesti.kz-ի հետ զրույցում պատմել է շոտլանդական թիմի հետ հաղթական մրցավեճի մասին (2:0)։

«Իհարկե, բոլորս ուրախ ենք, սակայն դեռ լիարժեք չենք գիտակցում, թե ինչ մեծ գործ ենք կատարել։ Այդուհանդերձ, չպետք է մոռանալ սպասվելիք երկրորդ մրցավեճի մասին։ Դեռ ոչինչ որոշված չէ»,-օգոստոսի 18-ին՝ Աստանայում կայացած խաղի վերաբերյալ նշել է ղազախական թիմի հայ ֆուտբոլիստը։

- «Աստանա-Արենան» լեփ-լեցուն էր հանդիսականներով։ Զարմացա՞ծ էիք այդ իրողությամբ։

- Իհարկե, հաճելի է խաղալ, երբ քեզ երկրպագում է ամբողջ մարզադաշտը։ Շնորհակալ ենք այն երկրպագուներին, որոնք ժամանել էին Կարագանդայից, շնորհակալություն նաև աստանացիներին, որոնք նույնպես սատարում էին մեզ։

- Ընդամենը երկրորդ ամիսն է, ինչ խաղում եք «Շախտյորում»։ Ձեզ չի՞ թվում, որ այս ընթացքում տեղի ունեցածը հեքիաթ է։

- Ինձ համար հաճելի է, որ ամեն ինչի այսպես է դասավորվում։ Իհարկե, կփորձենք շոտլանդացիներին հաղթել նրանց հարկի տակ։ Վերջին մեկ ամսում, բազմաթիվ շնորհավորանքներ եմ ստացել հայ ֆուտբոլասերների կողմից. ամբողջ Հայաստանն է հետևում «Շախտյորի» մրցելույթներին։

Հիշեցնենք, որ Ղազարյանի թիմակիցներից, «Սելթիկի» դարպասը երկու անպատասխան գնդալ են ուղարկել Անդրեյ Ֆինոնչենկոն և Սերգեյ Խիժնիչենկոն։

Աղբյուր՝ armsport.am