ՀՀԿ ԳՄ նիստի մանրամասները անհայտ մնացին
Հայկական Մամուլ
ՀՀԿ ԳՄ նիստի մանրամասները երեկ այդպես էլ մնացին անհայտ: Բանն այն է, որ նիստից հետո ՀՀԿ խոսնակ Էդուարդ Շարմազանովի բացակայության պատճառով լրագրողների հարցերին պետք է պատասխաներ կուսակցության փոխնախագահ Գալուստ Սահակյանը:
Սակայն նա հրաժարվել է իջնել մամուլի կենտրոն, որտեղ, ըստ ձեւավորված ավանդույթի, լրագրողներին ներկայացվում են նիստին քննարկված հարցերը: Փոխարենը Սահակյանը պահանջել է, որ լրագրողներն իրենք դուրս գան փողոց եւ այնտեղ անցկացնեն հարցազրույցը, ինչին չեն համաձայնել լրագրողները: Իսկ ՀՀԿ ԳՄ մյուս անդամները շատ արագ հեռացել են' անպատասխան թողնելով լրագրողների հարցերը:
Նշենք, որ ՀՀԿ նիստը երեկ տեւել է մոտ մեկ ժամ: Ըստ «Ժողովուրդ»-ի աղբյուրների՝ նիստում քննարկվել են ընթացիկ ներկուսակցական հարցեր, ինչպես նաեւ անդրադարձ է եղել ԵՄ-ի հետ ասոցացման համաձայնագրին: Նույն տեղեկությունների համաձայն՝ Սերժ Սարգսյանն ասել է, որ ասոցացման համաձայնագրի հետ կապված՝ վերջնական հստակեցումներ կլինեն առաջիկայում' կախված քաղաքական իրողություններից: Նշենք, որ ՀՀԿ ԳՄ նիստում երեկ շատ են եղել բացակաները. ԱԺ նախագահ Հովիկ Աբրահամյանը, վարչապետ Տիգրան Սարգսյանն ու ԱԺ փոխնախագահ Էդուարդ Շարմազանովը չեն մասնակցել նիստին:
Մանրամասները` «Ժողովուրդ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
