Լեգենդի վերադարձը. «Ռեալը»՝ Սանտիագո Բերնաբեուի գավաթակիր (տեսանյութեր)

«Սանիտագո Բեռնաբեու» մարզադաշտում ավարտվեց «Սանտիագո Բեռնաբեուի» Գավաթի խաղարկությունը, որում միմյանց հետ մրցում էին Մադրիդի «Ռեալը» և քաթարական «Ալ Սաադը»:

Հանդիպումն ավարտվեց «Ռեալի» հաղթանակով՝ 5-0 հաշվով:

Մադրիդի «Ռեալի» լեգենդար հարձակվող Ռաուլ Գոնսալեսը, ով այժմ հանդես է գալիս «Ալ Սաադի» կազմում, այս հանդիպման ընթացքում մեկ խաղակես խաղաց «Ռեալի» մարզաշապիկով, մեկ խաղակես՝ «Ալ Սաադի»:

Իսպանացի գոլահարը դարձավ առաջին խաղակեսի միակ գոլի հեղինակը՝ առաջ մղելով իր նախկին թիմին՝ 1-0:

Արդեն երկրորդ խաղակեսում «Արքայական» ակումբը ևս չորս գնդակ ուղարկեց մրցակցի դարպասը. գոլերի հեղինակներ դարձան Իսկոն, Բենզեման և Խեսեն (դուբլ):

Այս խաղում այլևս գոլեր չգրանցվեցին և «Ռեալը»՝ Ռաուլի, Իսկոյի, Բենզեմայի և Խեսեի գոլերի շնորհիվ հաղթեց «Սանտիագո Բեռնաբեուի» Գավաթը:

«Ռեալ Մադրիդ»-«Ալ Սաադ»՝ 5-0

Գոլերը՝ Ռաուլ 23, Իսկո 59, Բենզեմա 79 (11 մետրանոց), Խեսե 82, Խեսե 85

Աղբյուր՝ armsport.am