Այսօր դերասան, ասմունքող Սուրեն Քոչարյանի ծննդյան օրն է (տեսանյութ)

Սուրեն Քոչարյանը ծնվել է 1904թ. օգոստոսի 23-ին Թիֆլիսում։ Թատերական կրթությունը ստացել է Մոսկվայի հայկական դրամատիկական ստուդիայում (1921-1925)։

1925-32թթ. եղել է Երևանի Առաջին պետթատրոնի (Սունդուկյանի անվան թատրոն) դերասան, որտեղ խաղացել է Ֆուրմանովի «Խռովություն», Գորկու «Հատակում», Սունդուկյանի «Պեպո» ներկայացումներում: 1932թ-ից ամբողջությամբ նվիրվել է ասմունքի արվեստին: 1939-ից եղել է Մոսկվայի ֆիլհարմոնիայի մենակատար: Մոսկվայում առաջին անգամ հանդես է եկել հայ արվեստի մոսկովյան տասնօրյակի ժամանակ:

Ասմունքի արվեստին ամբողջությամբ նվիրվել է 1932 թվականից։ 1939 թվականից՝ Մոսկվայի ֆիլհարմոնիայի մենակատար։Մոսկվայում առաջին անգամ հանդես է եկել հայ արվեստի մոսկովյան տասնօրյակի ժամանակ (ծրագրում՝ «Սասունցի Դավիթ»)։ Ստեղծել է ավելի քան երեք տասնյակ գրական կոմպոզիցիա (հայերեն և ռուսերեն)։

Ստեղծագործական նախասիրությունը գրական նշանավոր երկերի ասմունքն էր՝

Շոթա Ռուսթավելի, «Ընձենավորը», Բոկաչչո, «Դեկամերոն», Խաչատուր Աբովյան, «Վերք Հայաստանի»,Հոմերոս, «Ոդիսական», Շեքսպիր, «Հանուն հայրենիքի» - կոմպոզիցիա,Լև Տոլստոյ, «Կրեյցերյան սոնատ»,Գաբրիել Սունդուկյան, «Մակակո» - ըստ «Վարինկի վեչերը» պատմվածքի, Բորիս Պոլևոյ, «Ոսկի», «Հայ ժողովրդական հեքիաթները», «Հազար ու մեկ գիշեր», որոնք Քոչարյանի խաղացանկում պահպանվել են տասնյակ տարիներ։

Ասմունքի տաղանդավոր վարպետին հավասարապես մատչելի էին և Շեքսպիրի վեհաշունչ խոսքը, և Լև Տոլստոյի հոգեբանական թափանցումները, և Խաչատուր Աբովյանի արարատյան բարբառը, և Սունդուկյանի թիֆլիսահայերենը, և Թումանյանի, Չարենցի և ռուս ժամանակակից գրողների ոճն ու լեզուն։ Քոչարյանի ասմունքի գերիշխող հնչերանգը պատմողականն է, գլխավոր սկզբունքը՝ կերպարների անձնավորումը հնչող խոսքի և դիմախաղի միջոցով։ Քոչարյանը իր արվեստով ստեղծել է «մի դերասանի թատրոն»։ Քոչարյանի ասմունքային վերջին ծրագիրն էր «Հայ ժողովրդական հեքիաթները» (ՀԽՍՀ պետական մրցանակ 1975 թ.)։
Մահացել է Մոսկվայում 1979 թ., թաղված է Երևանում։