Բաքուն Գրիգորուին վճարեց հերթական սադո-մազոյի համար

Մոլդովայի Հանրապետության օմբուդսմեն Աուրելիա Գրիգորիուն պարգևատրվել է «Հեյդար Ալիև» ոսկե մեդալով՝ մարդու իրավունքների պաշտպանության ոլորտում հատուկ նվաճումների և ամբողջ աշխարհում ադրբեջանական գիծը առաջ տանելու համար:

Երեկ անդրադարձել էինք մոլդովացի տխրահռչակ իրավապաշտպանի այն հայտարարությանը, թե հայերի կողմից իր հասցեին հնչած սպառնալիքների և վիրավորական արտահայտությունների համար դիմել է իրավապահներին, սակայն վերջիններս ոչինչ չեն ձեռնարկել, իսկ փորձագետներն ու Մոլդովայի գիտությունների ակադեմիայի լեզվաբանները վիրավորական ոչինչ չեն տեսել այն բանում, որ մարդիկ Աուրելիային անվանել են «ծախու քած»: Նա նաև պնդել էր, որ իրեն զգուշացրել են ԱՍԱԼԱ-ի հայ գրոհայինների և իր հնարավոր հանդիպման մասին:

Գրիգորիուի քաղաքական մարմնավաճառության հերթական ակցիան, փաստորեն, իրեն երկար սպասեցնել չտվեց: Բաքուն հերթական անգամ օգտվեց նրա ծառայությունից՝ չփորձելով անգամ թաքցնել տիկնոջ որոճումների ադրբեջանական հետքը: Մեր հարևան երկրում, փաստորեն, լավ են վճարում ալիևամերձ շրջանակների հետ քաղաքական և ոչ քաղաքական սադո-մազոների համար:

Վարուժան Բաբաջանյան