ԱԻՆ-ում ամփոփվում են փառատոնի արդյունքները (ֆոտո)

Այսօր ՀՀ ԱԻ նախարարությունում կայացել է մարդկանց անվտանգության և փրկության թեմայով «Արիության համաստեղություն» հանրապետական փառատոնի կազմակերպման հանձնաժողովի ամփոփիչ նիստը, որը վարում էր ՓԾ տնօրենի տեղակալ, գեներալ-մայոր Վ. Գաբրիելյանը։
Յուրաքանչյուր տարի սեպտեմբերի 4-ին նշվող ՀՀ ԱԻ աշխատակցի օրվան նվիրված միջոցառումների շրջանակում անցկացվում է «Արիության համաստեղություն» փառատոն, որի արդյունքներով պարգևներ ու խրախուսական մրցանակներ են հանձնվում տարբեր անվանակարգերով ներկայացված ԱԻՆ աշխատակիցներին ու ստորաբաժանումներին։

Մասնագիտական վարպետության «Լավագույնն ըստ մասնագիտության» մրցանակաբաշխության շրջանակներում սահմանված անվանակարգերն են'
· լավագույն հրշեջ-փրկարար
· լավագույն փրկարար
· լավագույն լեռնափրկարար
· լավագույն ջրափրկարար
· լավագույն հերթափոխի պետ
· լավագույն խմբի պետ (հրամանատար)
· լավագույն հրշեջ-փրկարարական ջոկատ
· լավագույն փրկարարական վարչություն։
Փրկարար ծառայության ստորաբաժանումները նույնիսկ մրցանակաբաշխության թեկնածուներին ներկայացնող կարճ տեսահոլովակներ էին պատրաստել, որտեղ պատմվում էր նրանք աշխատանքային գործունեության, մասնագիտական պատրաստվածության և մարդկային որակների մասին։

Առանձին անվանակարգերով խրախուսական մրցանակներ են սահմանված նաև զանգվածային լրատվամիջոցների համար (հեռուստատեսություն, ռադիո, տպագիր մամուլ, ինտերնետային նախագծեր ու լրատվական գործակալություններ)։

Հանձնաժողովի անդամները, մանրամասն ու համակողմանի ուսումնասիրության էին ենթարկում բոլոր ներկայացված թեկնածուներին' յուրաքանչյուրին ցուցաբերելով անհատական մոտեցում։

«Արիության համաստեղություն» մրցանակաբաշխության հաղթողների անունները կհայտարարվեն սեպտեմբերի 4-ին' ԱԻ աշխատակցի օրը։