Ապրելու տեղ չուներ. Երվանդ Քոչար
Գիտություն և Մշակույթ
Ապրելու տեղ չուներ: Կնոջ ու երեխաների հետ բնակվում էր արվեստանոցում: Ընկերները համոզում էին, որ դիմի Քաղխորհուրդ: Ի վերջո դիմեց: Նախագահը դիմումի վրա մակագրել էր, թե ունեցած տարածքն ըստ շնչի համապատասխանում է գոյություն ունեցող նորմաներին: Ուրեմն` մերժել: Դառնացած էր: Այդ ժամանակ էլ որոշվել էր մայրաքաղաքում կանգնեցնել մեր ժողովրդական էպոսի հերոսի արձանը և, բնական է, որ Քոչարին պետք է առաջարկվեր գործը: Այդ հարցով Քաղխորհրդի նախագահը եկել էր Քոչարի արվեստանոց:
- Տիկին,- դառնում է նա Քոչարի կնոջը,- սա ձեր բնակարա՞նն է, թե՞ Քոչարի արվեստանոցը:
- Ե՛վ մեկը, և՛ մյուսը:
- Իսկ ինչո՞ւ չեք դիմում…
- Դիմել ենք:
Եվ ասում է` ինչ է մակագրվել դիմումի վրա:
- Վաղը կամ մյուս օրը իմ անունով գրված մի դիմում բերեք:
Կարճ ժամանակ անց Քոչարի ընկերները շնորհավորում էին նրան նոր բնակարան ստանալու առիթով:
Ռ. Զարյան «Հուշապատում», Գիրք III
Նյութը` Ք. Ա-ի
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
