Արթուր Աբրահամը` իր ցուցադրած խաղի մասին, և խաղն ամբողջությամբ

Ինչպես ավելի վաղ տեղեկացրել էինք, Գերմանիայի Շվերին քաղաքում երեկ տեղի ունեցավ Գերմանիայի դրոշի ներքո հանդես եկող հայ պրոֆեսիոնալ բռնցքամարտիկ, գերմիջին քաշային կարգում աշխարհի նախկին չեմպիոն Արթուր Աբրահամի (36-4, 21) և 30-ամյա նամբիացի Վիլբեֆորս Շիհեպոյի (20-6, 15) մենամարտը: Վարկանշային մենամարտը, որում բռնցքամարտիկները մրցեցին 12 ռաունդ, ավարտվեց Արթուրի հաղթանակով: Մրցավարները բացահայտ առավելությունը տվեցին հայ բռնցքամարտիկին (116:113 // 116:112 // 117:111):

«Իսկապես դժգոհ եմ այն ամենից, ինչ ցուցադրեցի: Միշտ աշխատելու տեղ կա. իմ մրցակիցը լավագույն տասնյակից էր, և նա չի կարող պատահական մրցակից համարվել: Ես մի քանի սխալ գործեցի, որոնք հետագայում չպետք է թույլ տամ: Պլանավորել եմ տարեվերջին ռևանշ մենամարտ անցկացնել Ռոբերտ Շտիգլիցի հետ»,- ասել է մարզիկը, ով նպատակ ունի կրկին դառնալ աշխարհի չեմպիոն հնարավորինս շուտ:

Առաջարկում ենք խաղը դիտել ամբողջությամբ: