Թե ինչպես 24 ռուս կանանց պարը Հայաստանում վերածվեց մերկապարի

Aravot.am-ի փոխանցմամբ՝ օրերս Գյումրու ժուռնալիստների «Ասպարեզ» ակումբում «Աուդիո Վիզուալ» լրագրողների ասոցիացիայի կողմից «Հայաստանում թրաֆիքինգի դեմ պայքարի տեղեկատվական պլատֆորմի զարգացում» ծրագրի շրջանակներում կազմակերպված սեմինարի ժամանակ այս թեմայով փորձագետ, ԵԱՀԿ Երևանի գրասենյակի ավագ իրավախորհրդատու Դավիթ Թումասյանը բավական հետաքրքիր փաստեր ներկայացրեց:

Նա նշեց, որ հայերը հիմնականում սեռական շահագործման են ենթարկվում Միացյալ Արաբական էմիրություններում և Թուրքիայում, աշխատանքային շահագործման՝ Ռուսաստանի Դաշնությունում, իսկ օրգան-հյուսվածքներ հայերից վերցվել են Շրի Լանկայում: «Ես կարող եմ նշել երեք դեպք, երբ, որ մենք հանդիսացել ենք նպատակակետ երկիր, երբ որ դրսից են մարդիկ բերվել այստեղ շահագործման նպատակով»,- ասաց փորձագետը:

Aravot.am-ը խնդրեց մանրամասնել, թե ի՞նչ դեպքերի մասին է խոսքը, ո՞վ է զոհ դարձել մեր երկրում: «Այդ 3 դեպքերը պայմանավորված են Ուկրաինայի, Ուզբեկստանի և Ռուսաստանի Դաշնության քաղաքացիներին այստեղ տեղափոխելով և այստեղ շահագործումը իրականացնելով: Ուկրաինայի քաղաքացիների շահագործումը եղել է 2005-2006 թվականներին, երբ որ բերել էին այստեղ կանանց՝ իբրև թե մերկապարուհիներ աշխատեցնելու նպատակով, բայց ներգրավել էին պոռնկագրական ծառայություններ մատուցելու մեջ, այնուհետ Ուզբեկստանի քաղաքացիների էին բերել, ընդ որում Ուզբեկստանի քաղաքացիների մեջ կային ազգությամբ և ուզկեբ, և ռուս, որոնք ներգրավվել էին այստեղ սեռական շահագործման մեջ: Եվ վերջին դեպքը տեղի էր ունեցել 2008-2010 թվականներին, երբ որ ՌԴ երկու քաղաքացի իրենց երկրից Հայաստան էին բերել 24 կին՝ իբրև թե պարուհի աշխատելու նպատակով, այնուհետ պարը վերածվել էր մերկապարի ու սեռական շահագործման այլ ձևերի ու աշխատանքային շահագործման մեջ էին ներգրավել», -ներկայացրեց փորձագետը:

Շարունակությունը՝ այստեղ: