ՊՊԾ աշխատակիցներն անտեղի «կանգնեցնում» են վարորդներին

«Ժողովուրդ»-ին ահազանգած քաղաքացիները պատմեցին, որ վերջին օրերին ՊՊԾ աշխատակիցները Երեւանում անտեղի «կանգնեցնում» են վարորդներին ու նրանց հետ կռվի «բռնվում»: Ընդ որում, ՊՊԾ աշխատակիցներն աչքի են ընկնում ընդգծված գռեհիկ պահվածքով՝ փորձելով քաղաքացիների հետ լուրջ վիճաբանություն «սարքել»: Իսկ երբ քաղաքացին խնդրում է բացատրել, թե որն է իր սխալը, նրանք ասում են, թե իրենք պարտավոր չեն որեւէ բան բացատրել:

Այնուհետեւ ՊՊԾ աշխատակիցները հրավիրում են ճանապարհային ոստիկանության աշխատակիցների, որոնք էլ տուգանում են քաղաքացիներին` ասելով, որ իրենց «կապ են տվել», կանչել, իրենք պարտավոր են գնալ այդ քայլին: Այս առիթով «Ժողովուրդ»-ը զրուցեց Երեւանի ՃՈ պետ Արսեն Արշակյանի հետ: «Բացի ճանապարհային ոստիկանության աշխատանքից, պարտավոր ենք ցանկացած ակնհայտ իրավախախտման արձագանքել: Եթե ՊՊԾ աշխատակիցները նկատում են, որ, ասենք, մեքենան կայանվել է մայթերի վրա, նման դեպքերում ոստիկանության ցանկացած աշխատակից պարտավոր է արձագանքել: Դա օրինաչափ է»,-նշեց մեր զրուցակիցը:

Մանրամասները` «Ժողովուրդ»-ի այսօրվա համարում: