Փակ շուկայի տանիքին կառուցվել է նաև երկրորդ հարկ

Երեկ «Հայկական ժամանակ» օրաթերթի թղթակիցը եղել է Փակ շուկայի ներսում, որն անճանաչելի է դարձել՝ վերածվելով «պաբելկա» արված առևտրի կետի: Եթե շուկան միահարկ, բարձր տանիքով կոթողի էր նման, ապա այժմ այնտեղ կառուցվել է նաև երկրորդ հարկ, տեղադրված է այնտեղ տանող շարժասանդուղքը: Սուպերմարկետի կահավորումը գրեթե ավարտված Է:

Թերթի թղթակցի ֆոտոխցիկն արձանագրել է առևտրային վիտրաժները: Անգամ դրամարկղերն են տեղադրված և տոպրակով ծածկված: Մի խոսքով՝ մնում է փոշին մաքրել և ապրանքները դասավորել, և «Սիթին» պատրաստ է գործարկման: Սամվել Ալեքսանյանի գրասենյակից սուպերմարկետի գործարկման վերաբերյալ որևէ տեղեկություն «ՀԺ»-ի թղթակցին հրաժարվել են հաղորդել: Այնինչ, բանվորները փոխանցել են, որ աշխատանքները մեծ թափով իրականացվում են՝ սեպտեմբերի 15-ին բացումն անելու համար: Աղմկահարույց պրոյեկտի վերջնակետին հասնելու համար մնացել է դրսի մի քանի կոսմետիկ աշխատանք, որից ամենախոշորը շենքի շրջակայքի ասֆալտապատումն է: Դա էլ արդեն ընթացքի մեջ է:

Այնպես որ, ի հեճուկս բոլորի, Փակ շուկայի աղճատումը ավարտական փուլում է:

Մանրամասն՝ թերթի այսօրվա համարում: