Հովոն՝ Մկոյի հետ դուետ կազմելու և «Հայաստանի ձայնը» վարելու մասին (ֆոտո)

Esyes.am-ի փոխանցմամբ՝ հեռուստաընկերություններում շուտով կմեկնարկի նոր եթերաշրջանը և ոլորտի աշխատակիցներն այս փուլում արդեն հստակեցնում են առաջիկա անելիքները: esyes.am-ը զրուցել է դերասան Հովհաննես Ազոյանի՝ Հովոյի հետ, ով մեզ որոշ մանրամասներ պատմեց իր առաջիկա անելիքների մասին:

Առաջիկայում Հովոն պատրաստվում է Նազենի Հովհաննիսյանի հետ վարել «Հայաստանի ձայնը» նախագիծը: Հոկտեմբերի 10-ին էլ կկայանա Գոռ Կիրակոսյանի «Քայլ ձիով» աշխատանքային վերնագիրն ունեցող ֆիլմի առաջնախաղը, որը դերասանը խորհուրդ է տալիս անպայման դիտել:

Հովոն՝ Կարեն Ջանիբեկյանի, Մկոյի և Ալինա Մարտիրոսյանի հետ պատրաստվում է նկարահանվել նաև նոր նախագծում: Դերասանից տեղեկացանք, որ նախագիծը լինելու է սիթքոմի (situation comedy - իրավիճակային կատակերգություն) ժանրում: Հաղորդման նկարահանումները կսկսվեն սեպտեմբերին, այն եթերում կլինի հոկտեմբերին: Նկարահանումները տաղավարային են լինելու:

Դերասանից հետաքրքրվեցինք նաև, թե ովքեր են լինելու նոր նախագծի սցենարական կազմում, նա պատասխանեց, որ այդ հարցերով Արմենիա TV-ն է զբաղվում: Ինքը սցենարական կազմում ընդգրկված չէ, սակայն իր շտկումները միշտ անում է. «Երբ-ինչ-որ տեղ նկարահանվել եմ, միշտ իմ շտկումները, ավելացումները կամ պակասացումներն արել եմ ու իմ ուրույն ձեռագիրը թողել: Սա էլ բացառություն չէ»:

Օրերս esyes.am-ն իր ընթերցողներին պատմել է, որ Հայկոն և Մկոն նոր եթերաշրջանում միասին հանդես չեն գալու և Մկոն ներկայանալու է Արմենիա TV-ի մեկ այլ նախագծում: Համացանցում քննարկումներ են սկսվել, թե նոր դուետ է կազմավորվել՝ Հովո և Մկո: «Նոր դուետ չի ձևավորվում: Սա Արմենիա TV–ի նախագիծն է: Ինձ և Մկոյին առաջարկ է եղել, որ միասին հանդես գանք: Մկոն համաձայնել է, ես նույնպես: Սա կոչվում է բիզնես գործընկերություն,- esyes.am-ին ասաց Հովոն և հավելեց, որ չի ցանկանում հավատալ, որ Հայկո-Մկո դուետը կազմաքանդվել է: -Կարծում եմ՝ Հայկոյի և Մկոյի ընկերությունն այն ընկերությունը չէ, որը մեկ օրում կարող է քանդվել: Հայկոն ու Մկոն են ինձ բերել ասպարեզ, և ես միշտ սիրել եմ իրենց դուետը, իսկ երբ համագործակցել ենք, լրացրել եմ այն: Կյանք է, մարդիկ մեծանում են, ամեն ինչ էլ կլինի, բայց ես կարծում եմ, որ մենք երեքով դեռ կհամագործակցենք»: Հովոն իր խոսքն ուղղեց ընթերցողներին ու Հայկոյի և Մկոյի երկրպագուներին. «Կյանքում կան ավելի լուրջ բաներ, որոնցով կարելի է զբաղվել, հետաքրքրվել, սովորել, ուսումնասիրել: Պետք է հանգիստ վերաբերվել այդ ամենին»:

Շարունակությունը՝ այստեղ: