«2.5 միլիոն դոլարի» գործը գտնվում է կոծկման փուլում
Հայկական Մամուլ
ՀՀ ոստիկանության բարձրաստիճան պաշտոնյաների կողմից ստեղծված և նրանց ղեկավարությամբ տարիներ շարունակ գործած Ֆինանսական բուրգի հայտնի գործը, որի շրջանակներում ՀՀ բազմաթիվ քաղաքացիներից մոտ 2.5 միլիոն դոլար էր «հավաքագրվել», ըստ ամենայնի, գտնվում է կոծկման փուլում:
Այս մասին այսօրվա համարում գրում է «Հայկական ժամանակ» օրաթերթն ու հավելում, որ երեկ Հատուկ քննչական ծառայությունից թերթի թղթակցին հայտնել են, որ այդ գործով կա մեկ ձերբակալված, սակայն անունը և գործի վերաբերյալ այլ մանրամասներ չեն հայտնել:
«ՀԺ»-ի տեղեկություններով, ձերբակալվածը ոմն Արթուր Անդրեասյանն է, ով փաստացի կառավարել է նշված ֆինանսական բուրգը: Նա նաև «Մոսկվիչկա» սուպերմարկետների ցանցում գործող փոխանակման կետերի համակարգողն է: Միևնույն ժամանակ թերթին հայտնի է դարձել, որ ՀՔԾ-ն այլ անձանցից 2.5 միլիոն դոլարի գումար հավաքած ու «սկած» այս բուրգին վերագրում է ընդամենը մոտ 25 հազար դոլարի գումար: Այսինքն, իբր բուրգը այլ անձանցից յուրացրել է ընդամենը 25 հազար դոլար: Բազմաթիվ անձինք, որոնցից գումար է վերցրել այս կառույցը, գործով չեն երևում: Տուժող չի ճանաչվել նույնիսկ այն քաղաքացին, որը աոաջինն է դիմում ներկայացրել իրավապահներին այս կառույցի գործունեության մասին և մոտ 50 հազար դոլար է կորցրել:
Մանրամասները` «ՀԺ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
