12 հազար ընտանիքից օգնություն կստանա 6 հազարը

Թեև այս տարվա մայիսին Արմավիրի մարզում տեղի ունեցած կարկտահարության հետևանքով տուժել էր 12 հազար ընտանիք, սակայն առաջիկայում փոխհատուցում կստանան միայն 6 հազարը: Ընդ որում, յուրաքանչյուր ընտանիք «Բնական աղետից տուժածների հիմնադրամ»-ից ստանալու է մոտ 40 հազար դրամ, որը քիչ է 100 դոլարից:

Այս հիմնադրամի նախաձեռնության հեղինակ, ԱԺ պատգամավոր Ալիկ Պետրոսյանը «Ժողովուրդ»-ին տեղեկացրել է, որ այս ուրբաթ Արմավիրի մարզպետարանում տեղի է ունենալու ժողով որի ընթացքում կծրագրվի, թե ինչպես բաժանեն գումարը:

«Եթե մենք բոլորին տայինք, կհասներ 12 հազար դրամ: Բայց որոշել ենք, որ գումարն ամենակարիքավորներին է բաժանվելու: 40 հազար դրամն էլ հարցի լուծում չէ, 80-ն էլ, 100-ն էլ»,- ասել է Ա. Պետրոսյանը՝ հավելելով, որ իրենք չեն սահմանափակվելու այսքանով:

Մանրամասները'«Ժողովուրդ»-ի այսօրվա համարում: