ՓԾ աշխատակիցները վերապատրաստվում են

Օգոստոսի 27-ին ՀՀ ԱԻ նախարարությունում իրականացվեց արդեն ավանդույթ դարձած հերթական դասախոսությունը: Այս անգամ ՀՀ ԱԻՆ աշխատակազմի «ՍՊԾ» գործակալությունը վերապատրաստման դասընթացի համար ընտրել էր «ՀՀ ջրամբարների պատվարների անվտանգությունը» թեման:

Հիմնական նպատակն էր սեյսմակայունության տեսակետից ՀՀ տարածքում գտնվող ջրամբարների պատվարների ուսումնասիրության արդյունքները փոխանցել ՀՀ ԱԻՆ Ճգնաժամային կառավարման կենտրոն:

Դասախոսությանը մասնակցում էին փրկարար ծառայության, ճգնաժամային կառավարմ

ան կենտրոնի փորձառու և նոր աշխատակիցներ, որոնք իրենց աշխատանքի բերումով առնչվում են ջրամբարների անվտանգության հետ կապված խնդիրներին:

Պատվարների անվտանգության վերաբերյալ ուսումնասիրությունների արդյունքները ներկայացրեց ՀՀ ԱԻՆ աշխատակազմի «ՍՊԾ» գործակալության շենքերի և շինությունների սեյսմակայունության բաժնի գլխավոր մասնագետ, ՀՀ ՏԿՆ ջրային տնտեսության պետական կոմիտեի անդամ Վ. Խոնդկարյանը:

Վերջինս երկար տարիներ զբաղվել է պատվարների խնդրով, իրականացրել բազմաթիվ հետազոտություններ, հոդվածներով և ելույթներով հանդես եկել մի շարք հեղինակավոր միջազգային գիտաժողովներում: Իր խոսքում Վ. Խոնդկարյանը նշեց այն բոլոր խնդիրները, որոնք առկա են ներկայումս և մատնանշեց լուծման հնարավոր ուղիները:

Սեմինարի մասնակիցները մեծ հետաքրքրություն ցուցաբերեցին ներկայացվող թեմայի վերաբերյալ, ծավալվեց ակտիվ քննարկում խնդրի շուրջ: