ԲՀԿ-ի ընդդիմություն դառնալու մասին

ՀՀ ԱԺ «Բարգավաճ Հայաստան» խմբակցությունը աշնանը կհայտարարի՞ ընդդիմություն դառնալու մասին: Այս մասին գրում է «Հայկական ժամանակ» օրաթերթն ու հիշեցնում, որ դեռ գարնան վերջին ԲՀԿ-ական մեկ այլ պատ¬գամավոր Վարդան Օսկանյանը հայտարարել է, թե կարծում է, որ ԲՀԿ-ն աշնանային նստաշրջանի ժամանակ պետք է հայտարարի ընդդիմություն դառնալու մասին:

Երեկ, երբ կուսակցության խոսնակ, ԲՀԿ խմբակցության պատգամավոր Տիգրան Ուրիխանյանին թեթրը հարցրել է՝ ԲՀԿ-ն հայտարարելո՞ւ է ընդդիմություն դառնալու մասին, նա պատասխանել է.

«Չեմ հասկանում հարցի ծագման անհրաժեշտությունը: ԲՀԿ-ն մշտապես մի նպատակ է ունեցել՝ ՀՀ բնակիչների համար կյանքի որակ ապահովել: Եթե որևէ երևույթ, որևէ նախաձեռնություն խանգարում է դրան, ապա մենք հակադրվում ենք, ընդ որում, բավականին կոշտ: Ես տեսականորեն չեմ բացառում, որ կարող են եթե- ներ լինել: Եթե նախաձեռնություն կլինի, որը երկիրը կարող է տանել զարգացման, ապա մենք պատրաստ ենք համագործակցության: Եվ թող մեր համաերկրացիները մեզ դատեն մեր գործողություններից՝ ինչ ձևակերպում կտան մեզ:

-Բայց Վարդան Օսկանյանը գարնան վերջին հայտարարեց, թե կարծում է, որ ԲՀԿ-ն աշնանը պետք է հայտարարի ընդդիմություն դառնալու մասին:

-Պարոն Օսկանյանը մեր կուսակցության առանցքային դեմքերից է և նրա կարծիքը դիտարկման արժանի է, բայց նա առանցքային դեմքերից մեկն է, բայց ոչ միակը:

Մանրամասները՝ «Հայկական ժամանակ»-ի այսօրվա համարում: