Տագնապ. գենդեր է (տեսանյութ)

Սիրելի հայրենակիցներ,

սույն թվականի հունիսի 11-ին ՀՀ նախագահ Սերժ Սարգսյանը ստորագրել է «Կանանց և տղամարդկանց հավասար իրավունքների և հավասար հնարավորությունների ապահովման մասին» օրենքը, որը հայտնի է նաև «գենդերային օրենք» անունով: Օրենքում ներմուծվում է «գենդեր» հասկացությունը, որը սահմանվում է որպես «տարբեր սեռի անձանց ձեռքբերովի, սոցիալապես ամրագրված վարք»: Այդ բազմանշանակ սահմանումը դուրս է գալիս կնոջ և տղամարդու իրավահավասարության ավանդական ընկալման շրջանակներից և ենթադրում սեփական սոցիալական վարքի ընտրություն՝ անկախ իր կենսաբանական սեռից (օրինակ՝ արվամոլները, իգամոլները /լեզբի/,սեռափոխները, եւ այլն): Իսկ պետությունն էլ պարտավորվում է քաղաքացիներից գանձված հարկերի հաշվին պաշտպանել նաև ավանդականից տարբերվող «գենդերային վարք» ունեցողների իրավունքներն ու շահերը: Սա սպառնալիք է մեր հասարակության հիմքերին, հայկական՝ դարերի փորձություն անցած արժեհամակարգին ընդհանրապես, հայկական ընտանիքին՝ մասնավորապես:

«ՈՉ ԳԵՆԴԵՐԱՅԻՆ ԱՅԼԱՍԵՐՈՒՄԻՆ» հասարակական նախաձեռնությունը եւ «ՀԱՄԱՀԱՅԿԱԿԱՆ ԾՆՈՂԱԿԱՆ ԿՈՄԻՏԵ» հասարակական նախաձեռնությունը կոչ են անում մտավորականությանը, բոլոր մտահոգ կազմակերպություններին, լրատվամիջոցներին, անհատներին միանալ այս եւ նմանօրինակ այլասերումները կանխելու կարեւորագույն գործին: Վտանգված է ոչ միայն մեր, այլեւ մեր սերունդների, ազգի ու պետության ապագան:

Պայքարի այս փուլում մենք պահանջում ենք.

1. Չեղյալ համարել վերոնշյալ օրենքը: Կանանց և տղամարդկանց հավասար իրավունքների և հավասար հնարավորությունների ապահովման մասին հետագա օրինագծերը կազմել այնպես, որպեսզի դրանցում միանշանակ հասկացվի ու ենթադրվի սեռերի միայն ավանդական՝ կենսաբանական ընկալումը՝ կին և տղամարդ, և դրան համապատասխան սոցիալական վարք

2. փոփոխություն կատարել համապատասխան օրենքներում և որոշումներում՝ արգելելով այլասերող սեռային կողմնորոշումների և դրանց համապատասխան կենսակերպի քարոզը, գովազդը, հատկապես, անչափահասների շրջանում;

3. նախապատրաստել եւ հանրային քննարկման դնել երիտասարդ սերնդի բարոյական վիճակի բարելավմանն ուղղված կրթական համակարգի բարեփոխումներ, հանրային ծրագրեր:

«ԱՐԳԻՍԴԻ» հայրենասիրական կազմակերպություն