«Ուղնուծուծով հա´յ մտավորական». այսօր Վահան Թոթովենցի ծննդյան օրն է

«Աննկարագրելի զգայուն և արտակարգ խելքի տեր այդ մարդը միաժամանակ շատ զարգացած, բանիմաց ու կիրթ մտավորական էր:

Ուղնուծուծով հա´յ մտավորական:

Մի տեսակ` հոգու առողջություն և լավատեսություն էր բուրում Թոթովենցից:

Բնական է, իհարկե, որ նույն այդ հատկանիշներով օժտված են նրա արվեստը, նրա սքանչելի երկերում կերպարանք առած որքան իրական, նույնքան էլ երազային աշխարհը»:

Մարտիրոս Սարյան

Հայ գրող, արձակագիր Վահան Թոթովենցը ծնվել է 1889 թ սեպտեմբերի 1 –ին, Արևմտյան Հայաստանի Խարբերդ քաղաքում, սովորելով ԱՄՆ-ում հետագայում վերադառնում է խորհրդայնացված Հայաստան:

Թոթովենցը հազվագյուտ հայ գրողներից է, ում ստեղծագործությունների մեջ համակերպված են արևմտահայ, սփյուռքահայ և խորհրդահայ ազգային գրականության տարրերը։ Բազմաթիվ այլ մտավորականներին բախտակից Թոթովենցը 1938-ին ստալինյան մաքրագործումների զոհերից է: