Այսօր «Երեք գումարած երկու» ֆիլմի ռեժիսոր Հենրիկ Հովհաննիսյանի ծննդյան օրն է (լուսանկարներ, տեսանյութ)

Կինոռեժիսոր, սցենարիստ Հենրիկ Հովհաննիսյանը ծնվել է 1918 թ. սեպտեմբերի 1-ին, Երևանում:

1937 թ. ավարտել է Երևանի Սունդուկյանի անվան թատերական ստուդիան, 1954 թ.` Մոսկվայի համամիութենական կինեմատոգրաֆիական ինստիտուտը` էքստեռն կարգով: 1937թ-ից եղել է Երևանի Սունդուկյանի անվան ազգային ակադեմիական թատրոնի դերասան, 1943 թվականից` Մոսկվայի «Մոսֆիլմ» կինոստուդիայի ռեժիսորի ասիստենտ, 1945թվականից` ռեժիսոր: Հետագայում եղել է նաև Գորկու անվան կինոստուդիայի ռեժիսոր: Մեծ ճանաչում է բերել նրան «Երեք գումարած երկու» ֆիլմը, որտեղ նաև կերտել է էպիզոդիկ դեր: Որպես ռեժիսոր հանդես է եկել նաև «Կանայք» (1954թ.), «Օրիորդական գարուն» (1960թ.), «Կրոշի արկածները» (1961թ.) ֆիլմերում, իսկ որպես սցենարիստ` «Լեռնային հոսք» (1939թ.), «Հայկական կինոհամերգ» (1941թ.), «Կանայք» (1954թ.), «Վանկա» (1959թ.) ֆիլմերում:

Մահացել է 1964 թ. դեկտեմբերի 2-ին, Մոսկվայում: