«ArmComedy»-ի Նարեկի հարսանիքի կեղծ տորթը, հանդիսավարն ու շոկի մեջ ընկած հյուրերը (ֆոտո)

Bravo.am–ի փոխանցմամբ՝ «ArmComedy»-ի Նարեկը լքել է ամուրիների շարքերը եւ հավերժ սիրելու խոստում տվել մասնագիտությամբ լրագրող Մաշա Գասպարյանին: Առաջին հանդիպումից երեք ու կես տարի հետո միայն զույգն օրինականացրել է հարաբերությունները: Նախկին դասախոսի ու ուսանողուհու պսակադրությունը տեղի է ունեցել օգոստոսի 17-ին՝ Գեղարդի վանքում:

“Ծանոթացել ենք Վալերի Բրյուսովի անվան համալսարանում, որտեղ ես դասավանդում էի, իսկ ապագա կինս իմ ուսանողուհին էր: Մեկ տարի դաս եմ տվել, իսկ հետո սկսել ենք հանդիպել”,- BRAVO.am-ին պատմել է Նարեկ Մարգարյանը:

Նարեկի եւ Մաշայի հարսանեկան արարողությունը ժամանակակցի եւ ավանդականի միախառնում է եղել. հնչել է հայկական ռազմահայրենասիրականից մինչեւ կորեական “Գանգնամ սթայլ”: Այս միքսը պահպանվել է նաեւ հարսի պարի ժամանակ, որը սկսվել է ավանդական մեղեդիով, բայց անսպասելի անցել Քրիստինա Ագիլերայի երգացանկին:):

“ArmComedy”-ի համահեղինակն ու հաղորդավարը պատմել է, որ հարսանեկան խնջույքի սցենարում հյուրերին զարմացնելու բազմաթիվ դրվագներ են եղել.“Մենք պատրաստել էինք կեղծ տորթ, որը մատուցողներն ամենակարեւոր պահին շուռ տվեցին հատակին, ու հյուրերը շոկի մեջ էին ընկել: Ընկերներս էլ սովետական երգեր էին պատրաստել, իսկ հանդիսավարն առասպելական Արման Բարդումյանն էր:)”:

Մանրամասները՝ այստեղ։