Տոնական միջոցառումներ` քաղաքապետարանի ենթակայության դպրոցներում

Նոր ուսումնական տարվա մեկնարկի առթիվ տոնական միջոցառումներ են կազմակերպվել Երևանի քաղաքապետարանի ենթակայության բոլոր դպրոցներում:

Մայրաքաղաքի տարբեր դպրոցներ են այցելել Երևանի քաղաքապետի տեղակալները, վարչական շրջանների ղեկավարները, քաղաքապետարանի աշխատակազմի պաշտոնատար անձինք:

Միջոցառումների ընթացքում ընթերցվել է Երևանի քաղաքապետ Տարոն Մարգարյանի ուղերձը Գիտելիքի և դպրության օրվա կապակցությամբ:

Տոնական միջոցառումից հետո ուսուցիչները երեխաներին ուղեկցել են դասարաններ և անցկացրել ուսումնական տարվա Գիտելիքի և դպրության օրվան նվիրված առաջին դասը:

Ինչպես առաջին, այնպես էլ բարձր դասարանների աշակերտները խոստացել են նոր ուսումնական տարում գրանցել բարձր առաջադիմություն՝ ի պատիվ դպրոցի և Երևանի:

Երևանի քաղաքապետարանի տեղեկատվության և հասարակայնության հետ կապերի վարչություն