Դպրոցում աշակերտներից նեթբուք են պահանջում. հերթական աբսուրդը

Ուսումնական տարվա սկիզբը Հայաստանում, ավանդույթի համաձայն, նշանավորվում է ընտանեկան բյուջեներում ճեղքվածքներով, քանի որ հերիք չէ՝ այդ օրը կտրուկ թանկանում են ծաղիկների գները, նաև դպրոցներում աշակերտներին ներկայացվում է հսկայական մի ցանկ, իրեր, որոնք երեխան պարտավոր է իր հետ բերել: Եվ այդ իրերից ոչ բոլորն են մատչելի և կարող են համարվել խիստ անհրաժեշտ, սակայն, պարզվում է՝ ոչ բոլոր դպրոցների համար:

Օրինակ` Երևանի Մխիթար Սեբաստացու անվան կրթահամալիրում 1-ին դասարանցիներին բաժանվել են թղթեր, որոնց վրա ներկայացված է պահանջվող իրերի ցանկը: Եվ այդ պահանջվող իրերի մեջ նշված է եղել նեթբուքը: Այս մասին Lurer.com-ին հայտնել է նույն դպրոցի աշակերտներից մեկի ծնողը:

Գաղտնիք չէ, որ այդ սարքn արժե 110-150 հազար դրամ, ինչը Հայաստանում բազմաթիվ մարդկանց մեկ ամսվա աշխատավարձն է կազմում՝ լավագույն դեպքում, իսկ ավելի մեծաթիվ մարդկանց՝ 2-2,5 ամսվա: Այսինքն` եթե երեխայի ծնողները կաշառակեր չինովնիկ կամ թեթև մասշտաբի քրեաօլիգարխ կամ կիսաքրեա-կիսաօլիգարխ չեն և չեն կարող են իրենց թույլ տալ, ըստ դպրոցի ղեկավարության քմահաճույթի, ծախսել լրացուցիչ 110-150 հազար դրամ և գնել նե2բուք, նրանց երեխան պետք է զրկվի՞ միջնակարգ կրթություն ստանալու հնարավորությունից, համենայն դեպս` այդ դպրոցում:

Շատ հետաքրքիր տրամաբանություն է դպրոցի տնօրինության և ուսուցչական կազմի մոտ, տիպիկ հայաստանյան տրամաբանություն՝ գաղջ մթնոլորտին բնորոշ:

Կարեն Վարդանյան