Գագիկ Ծառուկյանը՝ գնաճի մասին. ձախողումները գազին, նավթին վերագրելը աբսուրդ է (տեսանյութ)
Հասարակություն
Նոր ուսումնական տարվա մեկնարկի կապակցությամբ «Բարգավաճ Հայաստան» կուսակցության նախագահ, Ֆիզիկական կուլտուրայի հայկական պետական ինստիտուտի կառավարման խորհրդի նախագահ Գագիկ Ծառուկյանն, ավանդույթի համաձայն, այցելեց հարազատ կրթօջախ, գիտելիքի տոնի առիթով շնորհավորեց ԲՈՒՀ-ի ուսանողներին և պրոֆեսորադասախոսական կազմին: Այս մասին գրում է «Բարգավաճ Հայաստան» կուսակցության պաշտոնական կայքը:
Գնաճի հետ կապված` ասաց. «Դրա լուծումը հիմնականում տնտեսության զարգացումն է, թե չէ մնացածը, որ ամեն օր մենք լսում ենք, հեքիաթներ են: Այսօր ձախողումները գազին, նավթին վերագրելը աբսուրդ է: Այսօր աշխարհում կան երկրներ, որոնք ո'չ նավթ ունեն, ո'չ գազ, բայց, ամենակարևորը, ունեն զարգացած տնտեսություն. մարդիկ նորմալ աշխատում են, բարեկեցիկ կյանքով ապրում են: Ամենակարևորը` պետք է լինի մրցակցային տնտեսություն, պայման, հնարավորություն, մրցակցություն և արդարություն, որ մարդիկ կարողանան լիարժեք աշխատել, ապրել: Այսօր մեր ժողովրդին պետք չէ' օգնել, պետք է պայման և հնարավորություն ստեղծել, որպեսզի մարդիկ կարողանան ստեղծել և իրենց ընտանիքը պահել»:
Առավել մանրամասն՝ տեսանյութում:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
