Շնորհակալությո՛ւն 3 անմոռանալի մրցաշրջանի համար. Օզիլը՝ «Ռեալի» երկրպագուներին
Սպորտ
«Արսենալի» կիսապաշտպան Մեսութ Օզիլը ֆեյսբուքի իր պաշտոնական էջում հրաժեշտ է տվել «Ռեալի» երկրպագուներին:
Ֆուտբոլիստը մասնավորապես գրել է.
«Շնորհակալություն ձեզ այս 3 անմոռանալի մրցաշրջանի համար: «Ռեալում» ելույթ ունենալու շրջանում ձեռքբերված փորձը ոչնչի հետ համեմատելի չէ: Երբեմն ամեն ինչ այնպես չի ստացվում, ինչպես ակնկալում ես: Ես լքում եմ «Ռեալը», սակայն ձեզ ցանկանում եմ ամենալավը: «Արսենալը» համառ գտվեց, սա մեծ հավակնություններով ակումբ է, և ես ուրախ եմ այս ամենի մի մասը լինելու համար»:
Հիշեցնենք, որ Գերմանիայի ազգային հավաքականի ֆուտբոլիստն անգլիական ակումբի հետ 5 տարվա պայմանագիր է կնքել:
Օզիլը դարձավ Անգլիայի Պրեմիեր լիգայի պատմության ամենաթանկ երրորդ ֆուտբոլիստը: Առաջինը Ֆերնանդո Տորեսն է, ով «Լիվերպուլից» «Չելսի» տեղափոխվեց 50 մլն ֆունտի դիմաց, երկրորդը Կարլոս Տևեսն է, ում համար «Մանչեսթեր Սիթին» 42,5 մլն ֆունտ վճարեց:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
