«Լֆիկյան ակտիվիստները» Նորագյուղցի Բոգոյի մարդիկ են (տեսանյութ)

Փակ շուկայի դիմաց համառորեն «պայքարող» «ակտիվիստներն» էլ ավելի են ակտիվացնում իրենց «քաղաքացիական անաչառ պայքարը»:

Լիմինդրովիչի բանակը մեթոդները լավ յուրացրել է, պարզապես դերասանական վարպետությունից դեռ կաղում է, հաշվարկները սխալ է անում և բավականին անզգույշ, նույնիսկ այն աստիճանի անզգույշ, որ բացահայտվում են:

Համացանցում հայտնված տեսահոլովակներից մեկում Lurer.com-ի ընթերցողները ճանաչել են այսպես կոչված՝ «ակտիվիստներից» մի քանիսին, ովքեր Սամվել Ալեքսանյանի «աջ ձեռքը» հանդիսացող Նորագյուղցի Բոգոյի (Ռուբեն Սիմոնյան) մարդիկ են: Ներկայացվող տեսանյութում նշված մարդկանց վրա տեսախցիկն առավել կենտրոնացել է, իսկ 1:08-1:16 րոպեի ընթացքում երևում է HOV555 պետհամարանիշներով սպիտակ Մերսեդեսը, որը, ըստ ականատեսների, պատկանում է Նորագյուղցի Բոգոյին, թեև, ինչպես նշեցին ընթերցողները, Բոգոն անձամբ դեպքի վայրում չի եղել: Սակայն նրա փոխարեն այնտեղ տեսել են նրա որդուն, ով երևում է տեսահոլովակի 3:52 րոպեին:

Ահա թե ինչպես է Սամվել Լիմինդրովիչը կազմակերպում իր կողմնակիցների «քաղաքացիական պայքարը»: «Լաչառ» կանանց ինստիտուտը, հավանաբար, այս անգամ այդքան էֆեկտիվ չգտնվեց, դրա համար էլ Ալեքսանյանը մարտի դաշտ է մտցրել ծանր հրետանին:

Կարեն Վարդանյան

Տեսանյութը՝ ստորև.