Երևանում փորձում են «պրիստիժնի» դպրոցում սովորել, իսկ շատ համայնքներում դպրոցները պարզապես փակվում են

Մինչ մայրաքաղաք Երեւանի դպրոցներում կրթություն ստանալու համար «գլուխ են կոտրում», ծանոթներ ճարում՝ «պրիստիժնի» դպրոցում սովորելու համար, Հայաստանի գյուղական որոշ համայնքներում դպրոցները պարզապես փակվում են: Ինչպես ցույց տվեցին «Ժողովուրդ»-ի հարցումները, մեկ տասնյակից ավելի գյուղերում սեպտեմբերի մեկը սովորական, ոչնչով չտարբերվող օր է եղել, քանի որ որոշ գյուղերում դպրոց, որոշներում էլ գրեթե աշակերտ չկա: Օրինակ, Սյունիքի մարզի 35 բնակիչ ունեցող Շրվենանց համայնքն արդեն չորս տարի է, ինչ դպրոց չունի: Համայնքապետ Արմինե Մանուկյանը «Ժողովուրդ»-ի հետ զրույցում ասաց. «Ցավում եմ, բայց այս պահին գյուղի միակ երեխան իմն է: Նա էլ Կապանի դպրոց է հաճախում»: Իսկ Արագածոտնի մարզի 60 բնակիչ ունեցող եզդիաբնակ Օթեւան համայնքում էլ երկու տարի է, ինչ աշակերտների բացակայության պատճառով դպրոցը փակվել է: Իսկ ՀՀ վարչապետ Տիգրան Սարգսյանը դեռ խոսում է մարզերի համաչափ զարգացման մասին:

Մանրամասները՝ «Ժողովուրդ»-ի այսօրվա համարում: