Լարված իրավիճակ` նախագահական նստավայրի դիմաց (լրացված)
Հայաստան
Երեկ, ՌԴ նախագահ Վլադիմիր Պուտինի հրավերով, ՀՀ գործող նախագահ Սերժ Սարգսյանն աշխատանքային այցով մեկնել էր Ռուսաստանի Դաշնություն:
Բանակցությունների ընթացքում պետությունների ղեկավարները համակողմանիորեն քննարկեցին երկկողմ դաշնակցային գործընկերության ներկա վիճակն ու հեռանկարները, արտաքին քաղաքական փոխգործակցության հարցերը:
Ավելի ուշ Սերժ Սարգսյանը հանդես եկավ հայտարարությամբ, որ Հայաստանը ներգրավվում է Եվրասիական տնտեսական միության ձևավորման գործընթացում:
Հայտարարությունից հետո բուռն քննարկում և քննադատություններ սկսվեցին Facebook սոցցանցում:
Այսօր բողոքի ալիքն արդեն շարունակվում է նախագահական նստավայրի դիմաց, այնտեղ, ի նշան բողոքի, հավաքվել են ակտիիստ քաղաքացիներ: Այնտեղ է նաև Պարույր Հայրիկյանը:
Իրավիճակը գնալով լարվում է. ոստիկանները փակել են դեպի նստավայր տանող բոլոր ուղիները, սակայն ակտիվիստները ցանկանում են ճեղքել այդ շղթան: Ոստիկաններն այժմ հրում են քաղաքացիներին, որոնք, սակայն, համառորեն չեն ցանկանում հեռանալ իրենց տեղից: Բերման ենթարկվեցին ակտիվիստ Կարեն Հարությունյանը, Վիլեն Գաբրիելյանը, Արեն Մանուկյանը:
Ոստիկաններին հաջողվեց ազատել նախագահականի մայթը:
Տեսանյութը կարող եք դիտել այստեղ:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
