Նեյմարի պատճառով «Բարսելոնային» դատի կտան

Sonda ընկերության նախագահ Խոսե Բարալը հայտարարել է, որ իրենք պատրաստվում են դատի տալ «Բարսելոնային», քանի որ կատալոնյան ակումբը չի վճարել Նեյմարի տեղափոխության համար սահմանված գումարը. տեղեկացնում է football-espana-ն: Նշենք, որ հենց այս կազմակերպությանն է պատկանում Նեյմարի տրանսֆերի 40%-ը:

«Մենք փաստաթղթեր ենք նախապատրաստում դատի համար: Նեյմարի տրանսֆերի 40%-ը մեզ է պատկանում, սակայն մենք չենք ստացել անհրաժեշտ գումարը: Մենք ստացել ենք ընդամենը 6,8 մլ եվրո: Սակայն մեզ է պատկանում ևս 16 մլն: Այդ պատճառով էլ պատրաստվում ենք դատարան դիմել»,-նշել է Բարալը: