Յուրա Մովսիսյանը միացավ «Սպարտակին»

Այսօր Մոսկվայի «Սպարտակի» ֆուտբոլիստները  սկսել են նախապատրաստվել Ռուսաստանի առաջնության  շրջանակներում «Վոլգայի» հետ կայանալիք խաղին։

 Ինչպես տեղեկացնում է ակումբի պաշտոնական կայքը, Յուրա Մովսիսյանը վաղաժամ միացել է ակումբին։ Բանը նրանում է, որ հայ հարձակվողը բաց է թողնելու Աշխարհի առաջնության ընտրական փուլի Հայաստան - Դանիա հանդիպումը` որակազրկման պատճառով։

Հիշեցնենք, որ Չեխիայի հետ խաղում Մովսիսյանը ստացավ իր երկրորդ դեղին քարտը, ինչի պատճառով բաց կթողնի հավաքականի հերթական հանդիպումը։

Մովսիսյանը չեխերի հետ խաղում հաղթական գոլային փոխանցում կատարեց։