Հայաստան ներխուժած նոր աղանդը քարոզում է խմբակային սեքս և ինցեստ

Փողոցներում, տանն ու սրճարաններում հայտնվել են նոր «առաքյալներ»: Վտանգավոր հոգեորսները կրոնական նոր կազմակերպության անդամներ են: Ուսմունքը նոր է միայն Հայաստանում: Աշխարհի տարբեր երկրներում այն արդեն հասցրել է տարածվել, արգելվել ու անվանափոխվել:

Սեւակը հոգեորսների հետ հանդիպել է պատահաբար: Սրճարանում լսել է խոսակցությունը, մոտեցել ու պարզել` Դեյվիդ Բերգի ուսմունքի ներկայացուցիչներն են. գրում է armnewstv.am-ը:

«Աստծո որդիների», ընտանիքի կամ քրիստոնեական միջազգային ընտանիքի հիմնական հավաքատեղիները Երեւանում ու Արտաշատում են: Նոր աղանդը գտնելու համար պետք է պարզապես ինտերնետում փնտրել Դեյվիդ Բերգի անունը. կազմակերպության հիմնադիրը հարյուր ամենաարկածախնդիր ու կասկածելի վարք ունեցող մարդկանց ցանկում է: Նա քարոզում է այն ամենը, ինչը հաճույք է պատճառում` խմբակային սեքսից մինչեւ հարաբերություններ հարազատների հետ:

Հայաստանում նոր կրոնական կազմակերպությունը դեռ գրանցված չէ: Իսկ եթե գրանցե՞ն հարցին` Կոմիտաս վարդապետը պատասխանում է կտրուկ` ոչ մի դեպքում:

Իսկ ինչպե՞ս պայքարել հարցին, Կոմիտաս վարդապետն ավելի կտրուկ է պատասխանել` պայքարել պետք է ու կարող են միայն իրենք` քրիստոնյաները: Եկեղեցին ֆիզիկապես չի կարող պայքարել ամեն մի հոգեորսի դեմ: Եկեղեցականներն ընդամենը երեք հարյուրն են, իսկ կրոնական աղանդավորական կազմակերպությունները Հայաստանում անցնում են երկու հարյուր քսանը, ամեն մի աղանդավոր էլ քարոզիչ է:

Հիպիների շարժման ժամանակ առաջացած ու արդեն նաեւ Հայաստան եկած կրոնական կազմակերպությունը միայն Վիկիպեդիայում մոտ քսան տարբեր անուններ ունի: Քարոզի հիմնական թեզը Աստծուն կավատ համարելն ու սեռական բոլոր տիպի հարաբերությունները խրախուսելն է: