«Ինչո՞ւ Սերժ Սարգսյանը գնաց ընկերոջ մոտ». բողոքի ակցիա նախագահականի դիմաց

Այս պահին տասնյակ քաղաքացիներ բողոքի ակցիա են իրականացնում նախագահական նստավայրի դիմաց: Ակցիայի մասնակիցները հայտարարել են, որ սեպտեմբերի 3-ին Մոսկվայում Սերժ Սարգսյանը արել է մի հայտարարություն, որի իրավունքը նա չի ունեցել: Ժուռնալիստների Ասպարեզ ակումբի խորհրդի նախագահ Լևոն Բարսեղյանը ԳԱԼԱ-ի լրագրողի հետ զրույցում նշել է, որ չեն կազմակերպել հանրային քննարկումներ, հասարակությունը տեղյակ չի եղել, որ նման որոշում պետք է կայացվեր, մինչդեռ Սերժ Սարգսյանը գնացել է իր ընկերոջ մոտ և հայտնել այն որոշումը, որը չի բխում Հայաստանի Հանրապետության շահերից:

Բաղրամյան 26-ի մոտ մեծ թվով ոստիկաններ են հավաքվել, ովքեր շրջափակել են տարածքը:

Ակտիվիստները նախատեսել են նաև բողոքի երթ անցկացնել դեպի Եվիամիության հայաստանյան պատվիրակության շենք:

Ակցիայի մանրամասներ կներկայացնենք ավելի ուշ: