«Մնալու եմ այստեղ` Հայաստանում` Սյունիքում». Սուրեն Խաչատրյան

hayeli.am-ի էքսքլյուզիվ հարցազրույցը Սյունիքի նախկին մարզպետ Սուրեն Խաչատրյանի հետ.

-Ինչպե՞ս եք, պարո′ն Խաչատրյան, ի՞նչ տրամադրություն ունեք:

-Նորմալ, նորմալ:

-Լուրեր են պտվվում, որ հնարավոր է` Սյունիքից տեղափոխվեք:

-Չէ, սուտ է, նման բան չկա:

-Ասում են նաեւ, որ միտք ունեք Հայաստանից տեղափոխվել:

-Ասում եմ` նման բան չկա: Մնալու եմ այստեղ` Հայաստանում` Սյունիքում:

-Իսկ հնարավո՞ր է` Ձեր տղային տեղափոխեք:

-Իհարկե ոչ:

-Իսկ արդեն որոշե՞լ եք` ինչ է անելու, ինչով է զբաղվելու:

-Սովորելու է, աշխատելու է:

-Պարո′ն Խաչատրյան, վենդետայի, վրեժի մասին են խոսում, չե՞ք վախենում:

-Չէ, ինչո՞ւ պիտի վախենամ:

-Իսկ Դուք Ձեր կողմից փորձո՞ւմ եք ինչ-որ քայլեր ձեռնարկել, որ երկու ընտանիքների մեջ թշնամանքը հաղթահարվի: Ի վերջո, ողբերգություն է տեղի ունեցել:

-Իհարկե փորձում եմ ինչ-որ բան անել: Բայց անհնար է Բուդաղյաններին ինչ-որ բան հասկացնել: Նրանք էլ չեն ուզում իրականությունը հասականալ: Երեւի մարդկանց մի քիչ ժամանակ է պետք: Դե, մեզ էլ է ժամանակ պետք: Ձեզ թվում է` մեզ համար հե՞շտ էր…