Երեկ ԱԺ միջանցքը հիշեցնում էր Բունյուելի ֆիլմերը
Հայկական Մամուլ
«Հրապարակ» օրաթերթը գրում է, որ երեկ ԱԺ միջանցքը հիշեցնում էր Բունյուելի ֆիլմերը. երկու բարձրահասակ սիլուետներ` բացարձակապես չինտեգրվելով ընդհանուր «պեյզաժին», դավին անտեղյակ, ցավին անհաղորդ, մտնում էին այս-այն սենյակը, շվարած դուրս գալիս, միմյանց կողքից քայլելով մտնում մեկ այլ սենյակ և այդպես` ողջ օրը:
Պարզվել է Արդարադատության խորհրդի ապագա անդամներն են. ԵՊՀ իրավաբանական ֆակուլտետի դեկան Գագիկ Ղազինյանը, որը նոր պետք է դառնա այդ խորհրդի անդամ' զբաղեցնելով մինչ այդ թափուր մնացած տեղը: Եվ ՀՀ ոստիկանապետի խորհրդական Գրիգոր Բադիրյանը, որը պետք է վերընտրվի ԱԽ-ում: Նրանք շրջում էին ԱԺ ֆրակցիաներով եւ «դաբրո» հայցում սպասվելիք ընտրությունների շեմին: Հիշեցնենք. Արդարադատության խորհուրդը բաղկացած է ինը դատավորից և չորս գիտնական-իրավաբանից, որոնցից երկուսին նշանակում է երկրի նախագահը, երկուսին ընտրում Ազգային ժողովը: Խորհրդարանում այսօր տեղի կունենա փակ, գաղտնի քվեարկություն' ԱԺ-ի կողմից հաստատվելիք թեկնածուների մասով:
Մանրամասները`«Հրապարակ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
