ԵՄ Թվինինգ փորձագետները տեղեկացնում են շուկայի վերահսկողության ոլորտի նոր մոտեցման մասին

Սեպտեմբերի 12-ին ՀՀ էկոնոմիկայի նախարարությունում ներկայումս իրականացվող ԵՄ Թվինինգ ծրագրի շրջանակներում տեղի ունեցավ համաժողով, որտեղ ներկայացվեցին Շուկայի վերահսկողության ոլորտի նոր մոտեցումները: Տեղեկան տնտեսավարող սուբյեկտները և տնտեսական կրթական հաստատությունները ներկայացնող մասնակիցներին ողջույնի խոսքով դիմեցին ՀՀ Էկոնոմիկայի նախարարության Շուկայի վերահսկողության պետական տեսչության պետ Լևոն Խալիկյանը և Թվինինգ ծրագրի մշտական ղեկավար Վիլիամ Հարիսը:

Միացյալ Թագավորությունից և Լիտվայի Հանրապետությունից ժամանած փորձագետները ներկայացրեցին ապրանքի անվտանգության համապատասխանությանը վերաբերվող «Հին և Նոր մոտեցման» կանոնակարգերը, շուկայի վերահսկողության համար պատասխանատու մարմինների դերն ու պարտականությունները, ինչպես նաև հավատարմագրված մարմինների, արտադրողների և ներմուծողների պարտավորությունները: Ելույթների ընթացքում ներկայացվեցին նաև «CE» մակնշման համապատասխանությունը անվտանգության պահանջներին և այլ հարակից մակնշումներին վերաբերող հարցերը, դրանց կապը տեխնիկական կանոնակարգերի, ներդաշնակեցված ստանդարտների, համապատասխանության գնահատման մոդուլների և սպառողների պաշտպանության հետ:

Համաժողովի նպատակն էր շուկայի վերահսկողության ԵՄ մոդելը, ձևավորել պատկերացում տնտեսավարողների պատասխանատվության և սպառողների դերի վերաբերյալ, տրամադրել տեղեկություններ Շուկայի վերահսկողության պետական տեսչության դերակատարման և գործողությունների վերաբերյալ և ցուցադրել Լիտվայի Հանրապետությունում կիրառված նմանօրինակ վերահսկողական մոտեցման հաջողված փորձը:

Սեպտեմբերի 09-ին տեղի ունեցավ նաև թվինինգ ծրագրի ղեկավար կոմիտեի 5-րդ նիստը, որի ժամանակ Ծրագրի մշտական խորհրդատու պարոն Հարիսը կոմիտեի անդամներին ծանոթացրեց վերջին եռամսյակի ընթացքում տեղի ունեցած ծրագրի զարգացումների, այդ թվում վերապատրաստումների, ճանաչողական այցերի և Պրոսեյֆ Եվրոպական անվտանգության ֆորումին Հայաստանի անդամակցության հետ: Մշտական խորհրդատուն առանձնացրեց նաև հետագա անելիքները, որոնք ներառում են սեմինարներ տնտեսվարողների և սպառողական կազմակերպությունների համար, որոնք տեղի կունենան Երևանում և մարզերում՝ Գյումրիում, Դիլիջանում և Ծաղկաձորում: Ծրագիրը կեզրափակվի 2013 թվականի նոյեմբերի 24-ին, ՀՀ Շուկայի վերահսկողության պետական տեսչության հետ աշխատանքից հետո:

ԵՄ կողմից ֆինանսավորվող 1 000 000 ԵՎՐՈ արժողությամբ սույն Թվինինգ ծրագիրը իրականացվում է Northern Ireland Co-operation Overseas (NI-CO) ընկերության կողմից Լիտվայի Հանրապետության Էկոնոմիկայի նախարարության Ոչ պարենային ապրանքների տեսչության հետ համատեղ (Թվինինգ գործընկեր անդամ-երկրից):