Անկախության թեմայով հոլովակների մրցույթ

Բազմաթիվ երիտասարդների խնդրանքով Հայաստանի երիտասարդական հիմնադրամը երկարաձգում է «Հայաստանի անկախությունը 22 տարեկան է» թեմայով հոլովակների մրցույթին մասնակցության համար հոլովակների ընդունման վերջնաժամկետը: Հոլովակներն ընդունվում են մինչև հոկտեմբերի 30-ը՝ ժամը 18.00։ Դրանք պետք է ուղարկել [email protected] էլ. հասցեին կամ էլեկտրոնային կրիչով բերել Հայաստանի երիտասարդական հիմնադրամի գրասենյակ (Աբովյան 50/5), աշխատանքային օրերին՝ ժամը 09.00-17.00 (ընդմիջում՝ 13.00-14.00)։ Մրցույթին կարող են ներկայացվել ինչպես պրոֆեսիոնալ, այնպես էլ ոչ պրոֆեսիոնալ հոլովակներ։ Տեսանյութի տևողությունը պետք է լինի մինչև 4 րոպե։

Հոլովակներ կարող են ներկայացնել մինչև 35 տարեկան անձինք։

Հաղթողը կճանաչվի ֆեյսբուքյան քվեարկության և ժյուրիի ձայների միջոցով (50:50 հարաբերակցությամբ)։ Հոլովակները նոյեմբերի 1-7-ը (մինչև կեսգիշեր) քվեարկության համար տեղադրված կլինեն Հայաստանի երիտասարդական հիմնադրամի ֆեյսբուքյան պաշտոնական էջում։
Մրցանակաբաշխությունը տեղի կունենա Երիտասարդության համաշխարհային (նշվում է նոյեմբերի 10-ին) և Ուսանողության միջազգային օրերին (նշվում է նոյեմբերի 17-ին) նվիրված միջոցառումների շրջանակներում:

Լավագույնը ճանաչված հոլովակի հեղինակը կստանա մրցանակ (IPAD)։

Մանրամասների համար զանգահարել՝ 010 54 58 02 (ներքին՝ 16)։