Մովսիսյանը՝ Օզբիլիսին օգնելու, Մխիթարյանի և Կլոպի հարաբերությունների և այլնի մասին

Հայաստանի ազգային հավաքականի հարձակվող Յուրա Մովսիսյանը ИТАР-ТАСС-ին տված ծավալուն հացազրույցում խոսել է «Սպարտակի», նաև` ազգային հավաքականում իր թիմակիցների մասին:

«Մենք մրցաշրջանը լավ սկսեցինք, սակայն հետո սայթաքեցինք: Համոզված եմ, որ ամեն ինչ լավ կլինի: Հավատում ենք մեզ, մեր թիմին և մարզչին: Զամանալի չէ, որ «Ամկարին» և «Սանկտ Գալենին» պարտվելուց հետո բազմաթիվ քննադատութրյուններ հնչեցին, չէ՞ որ պարտվել էր ոչ թե անհայտ մի թիմ, այլ` «Սպարտակը»՝ Ռուսաստանի ամենահայտնի թիմը: Նույնիսկ երբ «Սպարտակը» հաղթում է, գտնվում են «մասնագետներ», ովքեր քննադատում են:

Էմենիկեն հիանալի ֆուտբոլիստ է, սակայն նրա գնալուց հետո թիմ եկավ Լուկաս Բարիոսը, ով խաղացել է Եվրոպայի լավագույն ակումբներից մեկում՝ Դորտմունդի «Բորուսիայում»: Նա չի զիջում Էմենիկեին: Դանիայի հետ խաղից հետո Օզբիլիսը թուլություն էր զգում: Հուսով եմ, որ Արասը կխաղա «Վոլգայի» հետ հանդիպմանը: Նա թիմին շատ լավ է հարմարվել: Իհարկե, ես նրան օգնել եմ. դա իմ պարտականությունն է: Օզբիլիսի հետ խոսում եմ կամ հայերեն, կամ էլ անգլերեն: Լեզուն սկսում է հիշել, ես նրան այդ հարցում օգնում եմ (ծիծաղում է...): Արասի դեմ խաղացել եմ կարծես թե մեկ անգամ: Իհարկե, Հայաստանում հանդիպել եմ «Սպարտակի» երկրպագուների:

ԱՄՆ-ի հավաքականում հանդես գալու առաջարկ ստացել եմ, սակայն ես հայ եմ: Եվ ցանկանում էի խաղալ միայն Հայաստանի հավաքականում: Եթե ինձ վաղը առաջարկեն հանդես գալ Բրազիլիայի կամ Արգենտինայի հավաքականում, ես առանց մտորելու կմերժեմ: Պաշտպանել հարազատ դրոշի գույները, լսել հարազատ հիմնը՝ ոչինչ չի համեմատվի այդ զգացումի հետ: Հայաստանի հավաքականը պարտվեց Դանիային: Ցավոք, մեր թիմում մրցակցությունը մեծ չէ: Եթե հիմնական կազմի ֆուտբոլիստը շարքից դուրս է գալիս, ապա նրան փոխարինող չի լինում: Այնպես ստացվեց, որ մենք ընթացիկ ընտրական փուլում միայն մեկ անգամ դաշտ դուրս եկանք օպտիմալ կազմով (Չեխիայի հետը հանդիպման) և հաղթեցինք: Հաշվի առնելով հանգամանքները` կարծում եմ` Հայաստանի ընտրանին վատ հանդես չի գալիս: Մեր թիմը բավականին հեռանկարային է, ինչը ապացուցեցինք Դանիայի հետ Կոպենհագենում կայացած խաղի ժամանակ: Ես չեմ հիշում ինչ-որ թիմ, ով դանիացիների դարպասն արտագնա խաղում 4 գնդակ ուղարկի: Իտալիայի հետ խաղում մոտ 60-70 րոպե հավասար խաղ ցուցադրեցինք: Եվ դա այն դեպքում, երբ բացակայում էր հիմնական կազմի 3-4 խաղացող: Հայաստանի հավաքականը շատ բաների է ունակ, առավել ևս, երբ բոլորը կազմ-պատրաստ են:

Հենրիկն ասում է, որ «Բորուսիան» իրեն շատ է դուր գալիս: Յուրգեն Կլոպը նրան հիացնում է: Կլոպը ցանկացած պահին կարող է հաղորդագրություն ուղարկել նրան: Իր ֆուտբոլիստներին անեկդոտ է պատոմում: Կարպինն այդպիսին չէ. նա այլ մոտեցում ունի:

Ռոման Բերեզովսկին շատ լավ դարպասապահ է: Սակայն տեսե'ք, թե ինչպես դանիացիների հետ խաղաց Գևորգ Կասպարովը: Որքան վտանգավոր հարվածներ նա ետ մղեց: Նախկինում էլ նա Բերեզովսկուն հաջող էր փոխարինում: Սակայն Ռոմանը թիմի հոգին է, նա անկրկնելի է: Ես նրան շատ եմ հարգում: Նա լավ ընկեր է: