ԱՄՆ-ում համակարգչային խափանման պատճառով ավիատոմսերը վաճառվել են 10 դոլարով

Ինչպես հարտարարել են United Airlines ամերիկյան ավիաընկերությունում, այն ուղևորները, որոնք պատահականորեն, համակարգչային խափանման պատճառով, ստացել են անվճար ավիատոմսեր, կկարողանան օգտվել դրանցից. գրում է BBC-ն:

Հինգշաբթի օրը մի քանի ժամ շարունակ վճարելով ընդամենը 5 կամ 10 դոլար` մարդիկ կարող էին ձեռք բերել ավիատոմսեր:

Նկատելով այդ խափանումը` ավիաընկերությունը ժամանակավորապես փակել էր իր կայքը, որպեսզի ուղղի իր սխալը:

United Airlines-ը չի հաղորդել, թե ընդամենը քանի անվճար ավիատոմս է վաճառվել, և ինչ վնասներ է կրել ընկերությունը: