Տղամարդու արցունքներ

Տղամարդկանց կողմից զգացմունքայնության դրսևորումը սովորաբար անվայել է համարվում: Իսկ արցունքներն ընդհանրապես անթույլատրելի են: Տղամարդը պետք է զուսպ լինի և վերահսկի իր բոլոր արարքները: Բայց հին դարերում ամենևին էլ այդպես չէր:

Միջնադարյան հերոսներն ի ցույց էին դնում իրենց զգացմունքների ողջ գունապնակը՝ կատաղությունից մինչև կիրք, վշտից մինչև աննկարագրելի ցնծություն: Եվ արցունքներն էլ տաբու չէին, այլ միանգամայն նորմալ երևույթ: Գրում է Kiss.am-ը:

Այդ դեպքում ինչու՞ տղամարդիկ հրաժարվեցին իրենց զգացմունքներն արտահայտելուց... Այժմ իր զգացմունքների մասին հարցին տղամարդն ավելի շուտ կպատասխանի, թե ինքն ինչ է մտածում, քան թե ինչ է զգում:

Բայց յուրաքանչյուր տղամարդու դեպքում այս ամենը խիստ անհատական է: նրանց մի մասը տառապում է ինքնատիրապետման ավելցուկից, մյուս մասը դրա բացակայությունից և չափից ավելի տաքարյունությունից: Ընդհանրապես ապացուցված է, որ զգացմունքայնությունը կապված է ինտելեկտի հետ: Որքան մարդու մտավոր մակարդակը բարձր է, այնքան ավելի է նա կարողանում ճանաչել իր և մյուսների զգացմունքները և այդքան ավելի հաջողությամբ է կարողանում դրանք ղեկավարել:

Համենայն դեպս սեփական զգացմունքների վերահսկումը ավելի շուտ կարելի է թերություն համարել, քանի որ դրա պատճառով տղամարդիկ կյանքում շատ դժվարություններ են ունենում: Այժմ գիտնականների կողմից սկսել են մշակվել հատուկ ծրագրեր, որոնք տղամարդկանց օգնում են ավելի անկաշկանդ լինել զգացմունքների արտահայտման հարցում: Մասնագետներն ասում են, որ ամեն ինչ, նախևառաջ, կախված է դաստիարակությունից, քանի որ ծնողներն իրենք պետք է ձգտեն իրենց երեխայի զգացմունքային պաշարը հարստացնել: