Ամերիկացիները սովորեցրել են ռոբոտներին օգնություն խնդրել (տեսանյութ)

Մասաչուսեթսի տեխնոլոգիական ինստիտուտի (MIT) ճարտարագետները սովորեցնում են ռոբոտներին օգնություն խնդրել. գրում է Lenta.ru-ն՝ հղում կատարելով IEEE Spectrum-ին: Նոր գործառույթը կատարելու համար օգտագործվում են youBot բջջային ռոբոտները, որոնք հարմարեցված են IKEA կահույքի հավաքմանը: 

Նախագծի համաձայն` հանդիպելով որևէ դժվարության, որը նա չի կարող ինքնուրույն հաղթահարել, ռոբոտը պետք է հասկանալի կերպով օգնության դիմի մարդկանց: youBot-ը պետք է ինքնուրույն որոշի ծագած դժվարության բնույթը, դասակարգի այն, այնուհետև հասկանալի և պարզ կերպով օգնություն խնդրի: