Անվադողե հրեշը` Երևանում (լուսանկարներ)

Գաֆէսճեան արվեստի կենտրոնի հարակից տարածքում տեղադրված անվադողերից քանդակված «Առյուծ 2» ստեղծագործությունն առաջին իսկ օրից առաջացրեց երևանցիների հետաքրքրությունը: Քանդակը կատարված է ոչ միայն կատարյալ վարպետությամբ, այլև` հետաքրքիր և անսպասելի նյութերի օգտագործմամբ:

Քանդակի հեղինակը կորեացի Ջի Յոնգ Հոն է, ով իր բոլոր ստեղծագործություններում որպես նյութ օգտագործում է կտրատված անվադողեր, որոնք նրա ձեռքերում վերածվում են բացառիկ քանդակների: Իր հետաքրքիր և տարօրինակ ընտրությունը Ջի Յոնգ Հոն բացատրում է հետևյալ կերպ. «Իմ մտահղացումները կառուցվում են մուտացիայի գաղափարի շուրջ, իսկ «ռետինը» որպես նյութ ենթարկվել է բազմաթիվ փոփոխությունների: Երկարատև «մուտացիաների» ենթարկվելով` այն, ի վերջո, վերածվեց նաև անվադողի: Բացի այդ, ինձ գրավեց սև գույնը»:

Մեկ ստեղծագործության համար քանդակագործին անհրաժեշտ է մինչև 3 ամիս ժամանակ: Ստանալով կենդանիների երկաթյա «կմախքը»` նա, մկանը մկանի ետևից շարելով, սկսում է վերարտադրել իր կերպարները:

{gallery}bobotyotya{/gallery}