Սիրիայի քիմիական զենքի ոչնչացումը կարժենա մոտ 150 մլն դոլար
Հայկական Մամուլ
Սիրիայի քիմիական զենքը «հնարավորինս արագ» ոչնչացնելու վերաբերյալ շաբաթավերջին Ժնեւում ձեռք բերված ռուս-ամերիկյան համաձայնությունը շատ մեկնաբաններ անվանում են «պատմական ճեղքում» եւ Մոսկվայի «դիվանագիտական հաղթանակ»: Այս շաբաթ ժնեւյան բանակցությունների արդյունքները քվեարկության կդրվեն ՄԱԿ-ի ԱԽ-ում:
ՌԴ արտգործնախարար Սերգեյ Լավրովի եւ ԱՄՆ պետքարտուղար Ջոն Քերրիի ընդունած համաձայնագրում ասված է, որ Սիրիայի տարածքում գտնվող ամբողջ քիմիական զենքը պետք է ոչնչացվի մինչեւ 2014 թ. կեսերը, նշում է ԻՏԱՌ-ՏԱՍՍ-ը: Կողմերի նախնական գնահատման համաձայն, Սիրիան ունի մոտավորապես 1000 տոննա քիմիական զենք ու պայթուցիկներ, ինչպես նաեւ պղպեղային գազ: Ըստ որում, Քերրին առաջին անգամ հրապարակայնորեն խոստովանել է, որ քիմիական զենք ունի ոչ միայն Բաշար Ասադի վարչակարգը, այլեւ ընդդիմությունը:
Ֆինանսավորումն իրականացնելու պատրաստակամություն հայտնել էին թե՛ Մոսկվան եւ թե՛ Վաշինգտոնը: Ակնկալվում է նաեւ այլ երկրների մասնակցությունը: Փողով եւ տեխնոլոգիաներով օգնելու պատրաստակամություն է հայտնել Գերմանիան: Ինչ վերաբերում է զենքի ոչնչացման ծախսերին, ԱՄՆ-ը կարծում է, որ գործողությունը կարժենա 150 մլն դոլար: Ռուսաստանի կարծիքով, ծախսերն ավելի շատ կլինեն:
Մանրամասները` «Ազգ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
