ՀՀ անկախության օրվա տոնական համերգի ծրագիրը ռուսների ցանկությամբ է կազմվել

Սեպտեմբերի 21-ին Արամ Խաչատրյան համերգասրահում տեղի կունենա համերգ՝ նվիրված ՀՀ Անկախության օրվան: Որպես մենակատար հրավիրված է Մոսկվայի պետական Ֆիլհարմոնիայի մենակատար էդուարդ Կունցը. իսկ ծրագրի գլխավոր՝ աոաջին մասում, կհնչի Պյոտր Չայկովսկու թիվ 1 դաշնամուրային կոնցերտը:

Այս մասին այսօրվա համարում գրում է «Հայկական ժամանակ» օրաթերթն ու հավելում.

«ՀՀ պետական ամենանշանակալի օրվա տոնական համերգի այսօրինակ ծրագիրը (պինդ բռնվեք) ռուսների ցանկությամբ է կազմվել: Սեպտեմբերի 21-ի տոնական համերգի գլխավոր հովանավորը՝ ռուսական «ԳեոՊրո- Մայնինգ» ընկերությանն է, որը Հայաստանում զբաղված է թանկարժեք մետաղների, մասնավորապես՝ ոսկու հանքերի շահագործմամբ: Ինչպես հայկական ամեն մի ռազ¬մավարական օբյեկտ, ռուսական հերթական ընկերու¬թյանն են տրվել նաև Հանքավանի ոսկու հանքավայրը, Սոթքը, Արարատի ոսկու կորզման հանքը, Ագարակի պղնձամոլիբդենային կոմբինատը: Ինչպես մեզ փոխան¬ցեցին Հայաստանի պետական ֆիլհարմոնիկ նվա¬գախմբի Արտիստական և երգացանկային բաժնից, Ֆիլհարմոնիկ նվագախմբին է դիմել ոմն Ռուզան Գրիգորյան՝ «ԳեոՊրո Մայնինգ» ընկերությունից, առաջարկելով հո¬վանավորել սեպտեմբերի 21-ի տոնական համերգը: Բնականաբար, նվագախմբի գեղարվեստական ղեկա¬վար և գլխավոր դիրիժոր էդուարդ Թոփչյանը, ինչպեսնաև ՀՊՖՆ տնօրինությունը համաձայնել են առաջար¬կին: Ի դեպ, Հայաստանի պետական ֆիլհարմոնիկ նվա¬գախմբի մշտական հովանավորների ցանկում «ԳեոՊրոՄայնինգ» ընկերության անունն ընդհանրապես չկա»,-գրում է թերթը:

Մանրամասները՝ «Հայկական ժամանակ»-ի այսօրվա համարում: