Ռունին « Յունայթեդի» պատմության մեջ ամենաշատ գոլ հեղինակած 4-րդ ֆուտբոլիստն է

Չեմպիոնների լիգայի մեկնարկային տուրում «Մանչեսթեր Յունայթեդի» հարձակվող Ուեյն Ռունին իր 200-րդ գոլը հեղինակեց «կարմիր սատանաների» կազմում: «Բայերի» հետ խաղում Ռունին աչքի ընկավ 2 անգամ և օգնեց իր թիմին հաղթել 4:2 հաշվով:

Արդյունքում` ֆուտբոլիստը դարձավ ակումբի պատմության մեջ 4-րդ խաղացողը, ում հաջողվել է հատել 200 գոլի սահմանագիծը:

«Յունայթեդում» Ռունիից ավել գոլ են հեղինակել Բոբի Չարլթոնը (249 գոլ), Դենիս Լոուն (237) և Ջեկ Ռոուլին (211):

Հիշեցնենք, որ հարձակվողը մանչեսթերյան ակումբում հանդես է գալիս 2004-ից:

«Ուրախ եմ, որ նման ակումբի կազմում դարձա 200 գոլի հեղինակ: Սա մեծ պատիվ է ինձ համար»,- խաղից հետո նշել է ֆուտբոլիստը: