Զոհերին շքեղ ենք թաղում, ոչ մի բան այսպես լավ չենք անում. Սոս Սարգսյան

Անիմաստ զոհեր … Ժողովրդին հայտնում-հայտարարում ենք, որ «կենտրոնի» հերթական կազմակերպված սադրանքն է: Հայտարարում ենք, ժողովրդի ցասումը թեքում դեպի հեռու «կենտրոնը», ձեռքերս լվացած քաշվում մի կողմ: Զոհերին շքեղ ենք թաղում, ոչ մի բան այսպես լավ չենք անում:

Ընդունենք, որ սադրանք է: Էս ինչի՞ ենք ենթարկվում, չենք զգուշանում: Ո՞նց է, որ հմայված ճագարի նման ամեն անգամ ընկնում ենք օձի բերանը: Սա մեր ինչի՞ մասին է վկայում …

Սադրանքն էլ պայքարի զինանոցից է. ինչի՞ց է, որ այսպես անվրեպ ընկնում ենք լարված թակարդները:

Ինչո՞ւ ենք զոհում մեր ամենալավ տղաներին, ո՞ւր մնաց մեր «խելոք ժողովուրդ» համբավը, և ո՞վ է պատասխան տվողը: Ո՞վ է ում կյանքին տիրացել, ո՞վ է տնօրինում …

Սոս Սարգսյան «Վարագույրից այն կողմ»

Նյութը` Ք. Ա-ի