Աղվան Հովսեփյանը` ԱԱԾ պետի պաշտոնո՞ւմ

«Հրապարակ» օրաթերթը գրում է, որ չնայած սպասվում էր, որ Մոսկվայում բացված հայկական եկեղեցու օծման արարողությանը չմասնակցած Վ. Պուտինը երեկոյան այդ առիթով տրվելիք ճաշին ներկա կլինի, այնուհանդերձ, ճաշին նույնպես ներկա չի եղել:

Ինչ վերաբերում է ռուսական բարձրաստիճան պաշտոնյաների շրջանում իրականացվելիք «Աղվան Հովսեփյան» լոբբիստական գործողությանը, ապա, լավատեղյակ աղբյուրների փոխանցմամբ, «Աղվան Հովսեփյանի հարցը մեկընդմիշտ փակված է. նա չի վերադառնա իր պաշտոնին»:

Կոստյումը հանած, հանգստանալու մեկնած Գառնիկիչի համար իր մերձ շրջապատը նոր պաշտոն է որոնում: Առավել «սրտացավները» պնդում են, որ նա կզբաղեցնի թոշակի գնացող, առողջական խնդիրներ ունեցող ԱԱԾ-ի պետ Գորիկ Հակոբյանի տեղը: Պակաս սրտացավները նրան համարում են Դավիթ Հարությունյանի «կոնկուրենտը»՝ վճռաբեկ դատարանի նախագահի սպասվելիք պաշտոնանկության ֆոնին: Իսկ անտարբերները պնդում են՝ Գառնիկիչը կդառնա Եղեռնի 100-ամյակի հանձնաժողովի նախագահ ու իր իրավական գիտելիքներն ի սպաս կդնի Թուրքիայի կողմից ցեղասպանության ճանաչման գործընթացին:

Մանրամասները՝ «Հրապարակ»-ի այսօրվա համարում: